மலர்ந்திடும் இதயம் மனமல ரவிழும்
மறுபடி உதயம் வரும்
கலந்திடும் இருளும் ஒளிபெறக் கமலம்
கதிர்வரப் புன்சிரிக்கும்
நலந்தரு எண்ணம் நடைகொளவிடியும்
நாளொன்று புதிது எழும்
இலதெனும் வெறுமை இருளொடுவிலகும்
இரவியின்சுடர் பரவும்
மரங்களில் பறவை மறுபடி ஒலிக்கும்
மறைந்திடக் கிடந்திடினும்
சுரங்கள் என்றோசை சிறு பெரு கூச்சல்
சேர்ந்திடக் கலகலக்கும்
பரண்களில் காவல் பாடிடஓடும்
பயிரிடை மனம்கொள்ளினும்
அரண்டுவிண்ணோடி முகிலிடைதேடி
அதுமறு படியும் வரும்
அகமெழுமன்பு அமைதியில் காணும்
ஆதவனென ஒளிரும்
முகமதில் ஏனோ முறுவலை நீக்கும்
மொழிபல வெம்மைதரும்
தகுமென இல்லா தவறுகள்கூடி
தலவிதிதனை எழுதும்
தகமைகள் இல்லா தனை தனிகூறின்
தரணியும் அமைதிகொளும்
******************************
No comments:
Post a Comment